له اسټراليايي توقيف ځايو څخه که کډوال خپلو هيواد ته ولاړ شي ورته پيسې ورکول کيږي

داسې رپوټونه خپاره شوي چې ويل کيږي اسټرليايي حکومت له مانوس ايلنډ پناه غوښتونکو توقيف ځي څخه ۱۰۰ پناه غوښتونکي د پاپو نيو ګيني پلازمينه پورټ موريسبي ته انتقال کړي.د پناه غوښتونکو دا ليږد ويل کيږي چې د اسټراليايي حکومت هغه پلان برخه ده د کوم له مخه چې له اسټراليا څخه باهر د پناه غوښتونکو توقيف ځايونه بندوي.د اسټراليا حکومت هغه پلان ته لا دوه مياشتې وخت پاتې د کوم له مخه چې پاپو نيو ګيني او هم نارو هيوادو کې د پناه غوښتونکو توقيف ځايونه په رسمي ډول بندوي.حکومت له يادې نيټې رارسيدو لا دمخه ځيني پناه غوښتونکي نورو ځايو ته ليږي او داسې ښکاري چې د يادو توقيف ځايو تړلو چارې له اوسه پيل شوي.اسټراليايي حکومت ۱۰۰ پناه غوښتونکي له مانوس ايلينډ توقيف ځي څخه ويستي او د پاپو نيوګيني پلازمينه پورټ موريسبي ته انتقال کړي او ويلي دي چې ياد پناه غوښتونکي درملنې لپاره ليږدول شوي ولې د اسټراليا ملي رسنۍ ای بي سي رپوټ له مخه په داسې وخت کې د پناه غوښتونکو انتقال شکونه رابرسيره کوي.مانوس ايلنډ کې د پناه غوښتونکو کمپ د اوکتوبر مياشت پر ۳۱ نيټه تړل کيږي.ياد توقيف ځي کې پاتې پناه غوښتونکو ته داسې ليکونه استول شوي چې هغو کې دوی ته د اوسيدو غوراوې ورکړل شوې او هغې کې ورته دا هم ويل شوي چې همدا کډوال کولی شي بيرته خپلو هيوادو ته ولاړ شي.داسې رپوټونه هم ورکړل شوي چې همدې کډوالو ته پيسه ورکول کيږي که چيرې دوی وغواړي بيرته خپلو هيوادو ته ولاړ شي.بشپړ رپوټ دلته واورئ.

Manus Island detention centre AAP Source: Manus Island detention centre AAP