د افغانستان او اسټراليا ديپلوماتيکو اړيکو ۵۰ کليزه د استراليا ټولو لويو ښارونو په ګډون د افغانستان ولسمشرۍ ماڼۍ کې هم ولمانځل شوه.
په تيرو ۱۸ کلونو کې اسټراليا له افغانستان سره ۱.۸ ميليارده ډالر مرسته کړې او د يادې مرستې ترڅنګ يې پوځيانو روزنه او تر ۲۰۱۴ کاله پورې ترهه ګرو خلاف نظامي عمليات هم کړي.
افغان امنيتي ځواکونه چې د نړيوالو ترهه ګرو خلاف جګړه کې بوخت دي يو له سترو ننګونو څخه یې په ځمکه کې خښ شوي ماينونه دي چې له امله يې ګڼو افغان امنيتي ځواکونو ته مرګ ژوبله اړوي.
Source: ARG
NSW Parliament celebrates the 50th year of Afghanistan and Australia diplomatic relations. Source: SBS Pashto
په کال ۲۰۱۴ کې لومړي ځل لپاره د اسټراليا دفاع وزارت ټکنالوژۍ برخې پر يو داسې آلې جوړولو کار پيل کړ کوم چې د سرک غاړې ماينونه معلوموي او هم دا آلی افغان امنيتي ځواکونه خپل نظامي واسکټونو کې لګوي او پر پښو ګزمو کولو کې ورسره ډيره مرسته کوي.
که چيرې دوی له کوم ځای پر ځای شوي ماين سره مخ شي نو ياده آله يې معلوموي او ددوی ژوند ژغوري.
د يادې ماين موندونکې آلې يا سيسټم نوم REDWING دی چې يوازې د افغانستان حالت ته په کتو اسټراليايي دفاع وزارت ټکنالوژی برخې اختراع کړه او تر دې دمه يې ۲۰۰،۰۰۰ له همدې آلو څخه افغان امنيتي ځواکونو ته سپارلي.
تاسو ته مو د افغانستان او اسټراليا نظامي او ديپلوماتيکو اړيکو په اړه بشپړ رپوټ برابر کړی چې دلته يې اوريدلی شئ.
