دا مهال د امريکا او طالبانو مخامخ ناستې روانې دي، د سولې خبرې د افغانستان حکومت په ګډون د نړۍ يو شمير هيوادو انديښنې او هم هيلې له ځانسره لري.
اسټراليا، امريکا، هندوستان او چاپان څيړنکو او ارزونکو يوه ګډه همکارۍ ډله جوړه کړې کوم چې بيلابيلو هيوادو پر مسايلو بحثونه کوي او خپلې ارزونې د يادو هيوادو مشرتابه ته وړاندې کوي.
دا ځل اسټراليا سيدني ښار کې د يادې ارزونې ډلې ناسته جوړه شوه په کوم کې چې د افغانستان څيړنيز مرکز مشرې اورځلا اشرف نعمت هم ګډون کړی وه.
د افغانستان د څيړنې او ارزونې ادارې مشرې اورځلا اشرف نعمت د څلورو هيوادو ارزونې ناستې ته وربلل شوې وه او اغلې له اس بي اس پښتو خپرونې سره مرکه کې وويل چې دا ناسته د افغانستان شته نظام په ملاتړ پای ته ورسيده.
د اغلې په وينا د افغانستان سولې موضوع او له طالبانو سره خبرو دوران کې د افغانستان د حکومت تيرو لاسته راوړنو خونديتوب او له شته نظام څخه ملاتړ د ګډونوالو د بحث موضوع وه.
داچې ددې غونډې اغيزې به د افغانستان پر اوسني حالت څه وي او د يادو هيوادو څيړنيزو مرکزو استازې به خپلو هيوادو مشرتابه وو ته څه له ځانسره وړي.
اس بي اس پښتو خپرونې د افغانستان د څيړنيز او ارزونې د مرکز له مشرې ډاکټرې اورځلا اشرف نعمت سره مرکه کړې چې تاسې بشپړه مرکه دلته اوريدلی شئ.
