د اسټراليا حکومت يو ازمايښتي پروګرام پيل کړ او له مخه يې راتلونکو څو کلونو لپاره ۱۵۰۰ کډوال اسټراليا کې ميشتوي.
ځايي ټولنې کولی شي له بهر څخه کډوال سپانسر يا دعوت کړي ترڅو هغوی اسټراليا ته راولي او هم يې په ميشتيدنه کې مرسته وکړي.
دا پروګرام له اوس څخه تر ۲۰۲۵ کال پورې، د آسټرالیا ازمایښت پروګرام به پدې مرحله کې ۱۵۰۰ کډوال ومني. فدرالي حکومت غواړي چې د وخت په تیریدو سره دا شمیر په کال کې ۵،۰۰۰ ته لوړ کړي.
د مهاجرت وزیر انډریو ګیلس وویل چې د پروګرام لخوا ملاتړ شوي کډوال اوس مهال د آسټرالیا د موجوده بشري مرستو لاندې شمیرل کیږي.
د استرالیا د کډوالو شورا ویلي چې له څه باندې ۱۲ کلونو راهیسې د دغه ازمایښتي پروګرام غوښتنه کوي.
د شورا لوړ پوړي پالیسي افسر اشر هیرش وویل، هغه د ټولنې ډلو څخه د زړه راښکونکي ځواب تمه لري او غواړي ټولنې پدې پروګرام کې برخه واخلي.
اسټراليا کې ميشت حقوقي چارو کارپوه او وکيل ډاکټر نظير داور وايي، هغه کډوال چې بهر کې کډوال منل شوي وي يعنې د ملګرو ملتونو کډوالو ادارو يا نورو سره دوی په اسانۍ په اسټراليا کې ځايي ټولنو لخوا دعوت کيږي.
دا ياد پروګرام په اړه مو له ښاغلي نظير داور سره مرکه کړې، لا ډير معلومات په مرکه کې واورئ.
