اسټراليا کې د کولمو سرطان دويم تر ټولو وژونکی سرطان ګڼل کيږي او هغه کسان د کومو عمرونه چې ۵۰ کلونو ته رسيږي اړ ايستل کيږي ترڅو حکومت لخوا ورکړل شوی کټ له لارې دې وړيا معاينه وکړي.
اسټراليا کې ۹۳ سلنه د کولمو سرطان په هغو کسانو کې پيدا کيږي د کومو عمرونه چې له ۵۰ لوړ وي.
اسټراليا کې هره اونۍ ۱۲ کسان د کولمو پر سرطان مبتلا کيږي.
د روغتيا برخې پوهان وايي چې که چيرې د کولمو سرطان پر وخت تشخيص او درملنه يې وشي نو د مړينې کچه ډيره کې کميږي.
يوازې د اسټراليا نيو ساوت ويلز ايالت کې د کولمو سرطان پوهاوي برخه کې ۷.۸ ميليونو ډالرو پانګونه شوي ترڅو خلکو ته د کولمو سرطان په اړه پوهاوې ورکړي او هم د معاينې پر ارزښت خلک خبر کړي.
اسټراليا کې ميشت ډاکټر رحمن شينواري سره مو د کولمو سرطان په اړه بشپړه مرکه کړې.
ښاغلي شينواري د کولمو سرطان نښې، درملنه او ټوله کې خطر او ځان ساتنې په اړه بشپړ معلومات شريک کړي چې تاسې دا ټول په مرکه کې اوريدلی شئ.
