څلور کاله پلټنې وروسته د اسټراليا پوځ خپلو هغو ځانګړو ځواکونو د عملياتو پلټنه بشپړه کړه پر کومو چې افغانستان کې د جنګي جنايتونو ترسره کولو تور دی.
د ياد رپوت خپرول ډير افغانان ناراحته کړل ځکه د ځينو په وينا، د اسټراليايي ځواکونو په لاس د داسې کړنو هيڅ تمه يې نه لرله.
دا رپوت چې د اسټراليا د پوځ لوی درستيز لخوا د پنجشنبې په ورځ خپور شو ادعا کيږي چې ځانګړو ځواکونو ۳۹ بې ګناه افغانان وژلي.
ياد رپوټ ته د اسټراليا او نورو نړيوالو رسنيو پراخ پوښښ ورکړل او افغانستان جګړه کې د نورو ښکيلو هيوادونو ورته ګام اخيستلو موضوع يې را برسيره کړه.
اسټراليا کې د دوو لويو ټولنو استازو له اس بي اس پښتو خپرونې سره خبرو پر مهال د يادو پيښو غندنه وکړه او ترڅنګ يې قربابي شوو کورنيو ته تاوان او ښکيلو پوځيانو ته د سزا ورکولو غوښتنه وکړه.
اسټراليا کې ميشتو افغانانو د ياد رپوټ خپريدو په اړه خپل نظرونه شريک کړي او ځيني غوښتنې يې هم کړي.
تاسو ته مو اسټراليا کې د دوو تر ټولو لويو ټولنو له استازو، حاجي روښان اکبر د افغان اسلامي مرکز او عمر فاروق جومات کميټې وياند او هم د افغانانو همکارۍ ټولنې مشر ښاغلي نادر اعظمي خبرې راخيستي چې دواړه مرکې دلته اوريدلی شئ.
