د آسټرالیا د تخنیکي مشورو ډلې د دغه هېواد حکومت ته مشوره ورکړه ترڅو د آسټرا زنیکا واکسین هغو کسانو ته ورنکړي چې عمرونه یې تر ۵۰ کلونو کم دي. یادې تخنیکي ډلې همدا راز ویلي چې له ۵۰ کلونو لوی عمر لرونکي کسان کولای شي د آسټرالیا زنیکا واکسین ترلاسه کړي.
د دغه خبر له خپرېدلو وروسته پدې اړه اندیېښنې زیاتې شوې چې له دغه کار سره به په آسټرالیا کې د واکسین د تطبیق چارې پر ټاکل شوې نېټه پای ته ونه رسېږې.
د آسټرالیا لومړي وزیر سکاټ موریسن خبریالانو ته په خبرو کې ویلي چې آسټرالیا اوسمهال د کرونا واکسین د تولید له څلورو شرکتونو سره تړونونه لري چې پر اساس به یې ۱۷۰ میلیونه ډوزه واکسین ترلاسه کړي.
پدې اړه لا ډېر معلومات کولای شئ په رپوټ کې واورئ.
