د اتلانو جام یا چمپینز ټرافۍ لوبې د پاکستان او متحده عربي اماراتو په ګډ کوربتوب ترسره کیږي. په دغو سیالیو کې لوبډلې په دوو ګروپونو وېشل شوې دي.
د اتلانو جام په سیالیو کې افغان کرېکټ ملي لوبډله د لومړي ځل لپاره ګډون کوي چې په خپل ګروپ کې به له سویلي افریقا، انګلستان او آسټرالیا سره سیالۍ ترسره کړي.
د کرېکټ نړیوالې شورا د مهالویش له مخې د افغانستان کرکټ ملي لوبډلې ټولې لوبې په پاکستان کې پلان شوي او لومړۍ لوبه به يې د فبرورۍ په ۲۱ له سویلي افریقا سره وي.
د افغانستان کرېکټ بورډ د اتلانو جام سیالیو ته د افغان لوبډلې له بشپړه چمتوالي خبر ورکوي او وايي، افغان لوبډله له هر اړخه دغه جام کې د ګډون لپاره چمتو ده.
د افغانستان کرېکټ بورډ ویاند سید نسیم سادات وايي، د اتلانو جام سیالۍ دوی لپاره مهمې دي او تمه ده چې افغان لوبډله پکې ښه وځلیږې.
مهرباني وکړئ په دې اړه لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
