اسټراليايي حکومت د کډوالو ويزې ورکړې لپاره په ۲۰۱۴ کال کې د کريکټر ټيست په نامه يوه ازموينه وړاندې کړه او له مخې يې د يو کډوال اخلاق او کريکټر چک کوي او د هغې له مخه ورته ويزه ورکوي.
داسې ويل کيږي چې د همدې پاليسې له مخه د ډيرو کډوالو ويزې لغوه شوي او يا ورته هيڅ ويزه نده ورکړل شوې، ولې اوس کډوال د حکومت دا پاليسي ننګوي.
د اسټراليا حکومت دا قدرت او واک لري چې يو کډوال هغه وخت له اسټراليا څخه بهر کړي کله چې ياد کډوال اسټراليا کې کوم جرم ترسره کړي او يا د د کريکټر ازموينې کې بريالی نشي، ولې بيا د اسټراليا فدرال محکمې يوې تازه پريکړې کې ويل شوي چې حکومت نشي کولی د کريکټر له مخه د يو کډوال ويزه يا لغوه کړي او يا يې ورته ورنه کړي.
اسټراليايي حکومت تر دې دمه زرګونه مهاجر او يا بهرنيان د نوي قانون له مخه له اسټراليا څخه شړلي او يا ځيني په مهاجرت توقيف ځايو کې بنديان دي.
حکومت د کريکټر ټيسټ د ۵۰۱ مادې له مخه زرګونه مهاجر او کډوال له نا معلوم حالت سره مخ کړي او ځيني بيا بيرته خپلو هيوادو ته استول شوي.
د اسټراليا فدرال محکمې په يو بې ساري ګام کې د حکومت دا پاليسي نا قانونه بللې او ويلي دي چې د کريکټر ټيسټ پاليسي پر کډوالو نشي عملي کيدلی.
تاسو ته لا ډير معلومات په رپوټ کې لرو، بشپړ رپوټ واورئ.
