تير کال د مارچ مياشت ۱۵ نيټې باندې نيوزيليند دوو جوماتونو باندې بريد کې ۵۱ مسلمانان ووژل شول.
د نيوزيليند تر ټولو تورې ورځې ځخه يو کال تير شو، ولې اوس هم د قربانيانو کورنيو زخمونه تازه او غم ې ندی هير شوی.
د نيوزيليند کرايس چرچ ښار کې پر دوو جوماتونو بريد چې تير کال د مارچ مياشت ۱۵ نيټې باندې ترسره شول ۵۱ مسلمانانو خپل ژوند له لاسه ورکړ او ګڼ شمير نور بيا ټپيان شول.
يادو بريدونو کې ګڼو افغانانو ته هم مرګ ژوبله واوښته او د بريدونو لومړنۍ قرباني يو افغان وه چې حاجې داود نوميده.
د جمعې په ورځ ياد هيواد کې د تير کال بريدونو قربانيانو ياد لپاره ځيني مراسم ترسره شول او ځانګړې دعاوې وشوې. يادو مراسمو کې د نيوزيليند لومړۍ وزيرې جسينډا ارډرن هم ګډون کړی وه.
اغلې وويل، د تير کال بريد نيوزيليند کې بڼسټيز بدلون راوست او له پيښې وروسته نيوزيليند کې پر وسلو ساتلو بنديز ولګيد او له ۶۰،۰۰۰ ډيرې وسلې له خلکو راټولې شوې.
نن په پام کې وه چې د نيوزيليند حکومت د تير کال بريدونو قربانيانو ياد کې يوه ستره غونډه جوړه کړي ولې دا غونډه وروستيو شيبو کې د کرونا وايروس خپريدو خطر له امله لغوه شوه، د نيوزيليند لومړۍ وزيرې وويل، د يادې غونډې لغوه کولو لپاره خپه شوه ولې د کرونا وايروس ويرې لپاره يې ونه غوښتل چې له يوې بدې پيښې وروسته بله رامينځته شي.
اس بي اس د قربانيانو کورنيو له ځينو غړو سره خبرې کړي ا د هغوی اوسنی حال يې راخيستی چې دا ټول په تيار شوي رپوټ کې اوريدلی شئ.
