د طالبانو حکومت په دې وروستیو کې د فېسبوک په اړه ویلي چې داسې یوه تکلاره يې جوړه کړې چې له مخې به يې افغانستان کې پر فیسبوک ټولنیزې شبکې محدودیت او یا هم بشيړه بندیز ولګوي.
د طالبانو حکومت د دغې تګلارې له جوړېدو موخه پر فېسبوک د ځوانانو د وخت او پیسو د لګښت ترڅنګ د هغه څه مخنیوي په ګوته کړی چې د دوی پر وینا غیر اخلاقي مسایل دي.
یو شمېر عام افغانان او د دغې ټولنیزې شبکې کاروونکي د طالبانو له لوري د فیسبوک ټولنیزې شبکې د محدودولو او یا هم بشپړه بندولو په اړه اندېښمن دي.
د فېسبوک یو شمېر کاروونکي د طالبانو حکومت د دې ممکنه اقدام په اړه وايي، که چیرې په افغانستان کې فېسبوک بند شي تر ډېره اقتصادي زیان يې افغانانو ته رسیږي، ځکه د دوی په ویناه اکثریت خلک انلاین کاربارونه لري.
دوی له اس بي اس راډیو سره په خبرو کې د طالبانو حکومت څخه وغوښتل چې له دغه اقدام څخه ډډه وکړي او فیسبوک بند نکړي.
