ولې کيسه بله ده، حيات آباد کې چې ويل کيږي ترهه ګرو خلاف عمليات ترسره شوي د پاکستان د قبايلو سيمو مشران وايي چې دا هدفي وژنه وه او په هغه کور کې چې عمليات ترسره شوي ټول اوسيدونکي يې بې ګناه ول.
ځايي اوسيدونکي وايي چې دا پيښه لکه د نقيب مسعود وژنې پيښې ورته ده ځکه چې وژل شوي هلکان خپلو سيمو خلکو ته معلومه ول چې بې ګناه ول او لوړې زده کړې يې کړې وې.
د وژل شوو کسانو کورنيو غړو ته ويل شوي چې د يادې پيښې په اړه دې له نورو خلکو سره خبرې نه کوي او نه دې هم رسنيز کنفرانسونه ورکوي.
د وژل شوو ځوانانو کورنۍ غړي وايي چې له پاکستان حکومت څخه ددې پيښې پلټنې غوښتنه کوي او د يو حقيقت موندنې کميسيون جوړولو غوښتنه يې هم کړې.
وژل شوي ځوانان چې د ډيرو تعلق له قبايلو سيمو څخه وه د هغوی کورنۍ غړي او ځايي اوسيدونکي وايي چې ټول وژل شوي ځوانان بې ګناه ول او يوازې له يو اشپز سره يې ياد کور کې استوګنه کوله.
Source: Islam Gul Afridi, SBS Pashto
پاکستاني طالبانو ويلي چې وژل شوي کسان ددوی د تحريک غړي نه ول.
د يادو عملياتو پر خلاف پيښور کې د پراخو لاريونو خبر ورکړل شوی.
د يادې پيښې په اړه بشپړ رپوټ له پيښور څخه زمونږ همکار اسلام ګل افريدي برابر کړی او د ځينو مشرانو غږونه يې هم راخيستي چې بشپړ رپوټ دلته اوريدلی شئ.
