د افغانستان د چاپېریال ساتنې ملي اداره وایي، که چیري د وحشي ژوو ساتنه ونه شي نسلونه به یې له منځه ولاړ شي.
دوی وایي ، نا امني، د وحشي ژویو د نسل د خوندیتوب لپاره د مناسب چاپېریال نشتوالی او د دوی غیر قانوني ښکار او قاچاق هغه څه دي چې د افغانستان د وحشي ژویو ژوند یې له ګواښ سره مخ کړی دی.
د مارچ درېیمه د وحشي ژوند له نړیوالې ورځې سره برابره ده او هرکال دغه ورځ د دې لپاره لمانځل کېږي چې د هغو وحشي ژوو او او بوټو په اړه چې له خطر سره مخ دي، د خلکو پوهه زیات شي او هم د حیات وحش په تړاو د جرمونو او جنایتونو په وړاندې د مبارزې لارې چارې ولټول شي.
پخوا تر دې د افغانستان د ځینو لویدیځو ولایتونو اوسېدونکو شکایتونه کړي چې د کندهار، فراه او ځینو نورو ولایتونو په لیرو پرتو دښتو کې پر کورنیو ښکاریانو سربېره، ځیني بهرني ښکاریان هم لیدل شوي چې د افغانستان ځیني نادر وحشي ژوي یې په غیر قانوني توګه ښکار کړي دي.
تفصیل له ناجیې ساپۍ اورﺉ.
