د کرونا وېروس پیښې د نړۍ د یو شمېر نورو هېوادونو په څېر په پاکستان کې هم په زیاتېدو دي. ورستيمالومات ښيي چې تر دې دمه ۲۵۴ کسان په کرونا وېروس اخته شوي.
تر ټولو زیات کسان په سند ایالت کې په کرونا وېروس اخته دي چې شمېر یې ۱۸۱ کسانو ته رسېږي. له سند وروسته په پنجاب کې ۳۴، بلوچستان کې ۱۶، خیبر پښتونخوا کې ۱۶، د پاکستان په مرکزي سیمې کې ۴ او ګلګېت بلټستان کې ۳ کسان په کرونا وېروس اخته شوي.
تر دې مهاله د نړۍ په ۱۶۴ هېوادونو کې نږدې ۲۰۰ زره کسان د کرونا وېروس اخته شوي او شاوخوا ۸ زره کسانو هم خپل ژوند له لاسه ورکړی دی.
