تورخم سره نږدې ولاړو لاريو چلوونکي وايي، دوی اوس هم له ګڼو ستونزو سره مخ دي او په اسانۍ خپل بار شوي مالونه يو بل هيواد ته نشي وړلی.
تورخم سره نږدې دواړو خواوو ته اوس هم سلګونه لارۍ ولاړې دي او دې ته په تمه دي ترڅو خپل مالونه ويسي.
زمونږ همکار اسلام ګل افريدي له ځينو لاريو ډريورانو سره خبرې کړي او هغوی ادعا کوي چې له هغوی د پيسو غوښتنه کوي ترڅو ورته د سفر کولو اجازه ورکړل شي.
له کراچۍ څخه زرګونه لارۍ اوس هم افغانستان ته په لار دي او د هغو لاريو رسيدو سره به حالت لدې هم بد تر شي.
دا مهال يوازې ورځ کې سلو موټرو ته د تګ اجازه ورکول کيږي ولې چارواکي وايي، دا شمير بايد ۶۰۰ ته لوړ شي.
د ځينو لاريو چلوونکي وايي، نږدې يو مياشت وخت کې دوی وشو کولی خپل موټر بل لور ته خالي کړي.
تاسو ته مو پدې رپوټ کې د چارواکو او ځينو ډريورانو خبرې راخيستي چې دا ټول پدې رپوټ کې اوريدلی شئ.
شریکول
