افغانستان او پاکستان څخه بهر زرګونه پښتانه ځينو اسيايي هيوادونو کې پر کار بوخت دي او بيا د هغوی ډير شمير عرب هيوادونو کې کار کوي او نږدې ټول يې له ډيرو حقونو څخه بې برخه دي.
له پاکستان او افغانستان څخه بهر زرګونه پښتانه په عربي هيوادونو کې کار او مزدوري کوي.
د پښتنو کاريګرو ډير کارونه د ورځنې کاروبار سره تړلي وي ولې د کرونا ويروس له امله ډيرو هيوادونو کې کاروبارونه په ټپه ولاړ دي او پښتانه کاريګر خپل ورځني لږښتونه نشي پوره کولی.
ځينو بهرنيو هيوادونو کې ايسار پښتانه ادعا کوي چې ډير شمير مسافر پښتانه کرونا ويروس وژلي او ډله ايزو قبرونو کې خاورو ته سپارل شوي.
پيښور کې د پاچا خان هوايي ډګر پرانيستلو سره يوازې له سعودي عرب څخه له ۲۰ ډير د پښتنو کاريګرو مړي راوړل شوي، ولې سعودي کې ميشت پښتانه وايي، د پښتنو بيمارانو او مړو شمير ډير لوړ دی.
اس بي اس سره خبرو کې سعودي عرب کې ميشت محمود حسين وايي، له دريو مياشتو راهيسې هر څه په ټپه ولاړ دي.
عرب هيوادونو کې ايسار پښتانه وايي، حتی اوس وخت کې د الوتنې ټکټ اخيستلو وس نه لري ترڅو بيرته خپل هيواد ته ستانه شي.
زما همکار اسلام ګل افريدي له ځينو پښتنو کاريګرو او هم چارواکو سره خبرې کړي چې تاسې بشپړ رپوټ دلته اوريدلی شئ
