د کرونا ويروس تازه حال مو له نړۍ څخه راخيستی او پدې به پوه شئ چې اسټراليا کې د واکسين چارې څرنګه پر مخ روانې دي.
نړۍ يو ځل بيا د کرونا ويروس لمن کې ده او پرلپسې هره ورځ نوو پيښو کې ډيروالی ليدل کيږي.
د روغتيا نړيوالې ادارې معلوماتو له مخه په هند هيواد کې د کرونا ويروس نوو ډولونو رامينځته کيدل د سيمې هيوادونو ته ستر خطر پيښ کړی او داسې ښکاري چې نوي ډول ويروسونه د نړۍ په ځينو هيوادنو کې خپاره شوي.
بله خوا د واکسين چارې هم په ځينو هيوادونو کې لنډمهاله درول شوي او د ځينو واکسينو جانبي عوارضو پلټنه روانه ده.
اسټراليا کې د استرا زينيکا واکسين څخه په ۳ کسانو کې د وينې لخته يا ټينګيدو خبر ورکول شوی او يوې ۴۸ کلنې ميرمنې واکسين ترلاسه کولو وروسته يې خپل ژوند له لاسه ورکړی.
تاسو ته مو له ټولنې نړۍ څخه د کرونا ويروس مهم معلومات راټول کړي چې دا ټول پدې تيار شوي رپوټ کې اوريدلی شئ.
شریکول
