د شمالي وزیرستان زرګونه اوسیدونکي د ۲۰۱۴ کال د عملیاتو پر مهال د افغانستان خوست ولایت ته کډه شول.
د ۲۰۱۴ کال په مې میاشت کې د پاکستان پوځ په شمالي وزیرستان کې د ضرب عمل په نوم عملیات پیل کړل چې له امله یې زرګونه کورنۍ دې ته اړ شوې ترڅو خپل کورونه پریږدي او نورو سیمو ته کډه وکړي.
د شمالي وزیرستان اوسیدونکي تراوسه پورې په نورو سیمو کې استوګنه لري ځکه خپل کورونه یې د عملیاتو پر مهال ویجاړ شوي او ښونځي د پوځ په مرکزونو بدل شوي. د شمالي وزیرستان ځوانان د پاکستان له حکومت څخه غوښتنه لري ترڅو پوځ د دوی ښونځي پریږدي ترڅو ماشومان وکولای شي بېرته ښونځیو ته ولاړ شي او د ویجاړ شویو کورونو تاوان هم ورکړي.
پدې اړه لا ډېر معلومات د اسلام ګل افریدي په راپور کې واورئ.
شریکول
