تيره ورځ د اسټراليا ملي ورځ په وياړ زرګونو نوو راغلو مهاجرو او کډوالو ته د استراليا تابعيت ورکړل شول او هم ټول اسټراليا کې د يکشنبې په ورځ د اسټراليايي تابعيت ترلاسه کولو لوړې مراسم پر مخ واچول شول.
ولې وخت تيريدو سره اوس لږ شمير بهرني کسان د اسټراليا تابعيت ترلاسه کول غواړي يا په بله معنی ډير شمير خلک نه غواړي ترِڅو استراليايي تابعيت ترلاسه کړي.
د اسټراليا تابعيت ترلاسه کول د ډيرو مهاجرو يو ستر خوب وي او اسټراليا ته له رارسيدو وروسته د تابعيت ترلاسه کولو لپاره خپلې هلې ځلې پيلوي.
اسټراليا ته دا مهال ډير شمير بهرنيان کار او يا زده کړې لپاره راځي ولې نوې شميرې ښايي له کال ۲۰۱۴ راهيسې اوس د ريکارډ په کچه لږ مهاجر د استراليا تابعيت ترلاسه کول غواړي.
د اسټراليا سنا مجلس ته رپوټ ورکولو دوران کې د مهاجرت چارو ادارې منلې چې د مهاجرت برخې پاليسي بدلون له امله د تابعيت ترلاسه کوونکو شمير کې کمی راغلی.
نور په رپوټ کې واورئ.
