د اسټراليا حکومت د ۲۰۱۹ کال فبرورۍ مياشت کې هغه وخت له سترې ماتې سره مخ شو کله چې د حکومت قانون خلاف پارلمان داسې يو قانون تصويب کړ د کوم له مخه چې له اسټراليا څخه بهر توقيف ځايونو هر يو مانوس، نارو څخه کډوال اسټراليا ته راوړل شول ترڅو يې اسټراليا کې درملنه وشي.
حکومت هغه مهال دا وويل چې راوستل شوي کډوال به اسټراليا کې نه ميشتوي او نه هم ورته ويزه ورکول کيږي.
د ياد قانون تصويب کيدو څخه څو مياشتې وروسته بر حاله حکومت پارلمان کې اکثريت ترلاسه کړ او ډيسمبر مياشت کې يې ياد قانون بيرته لرې کړ.
ياده موده کې ۱۹۰ کسان له بهر څخه اسټراليا ته راوستل شول او تير کال اوکتوبر مياشت پورې ۱۷ تنه يې دريم هيواد کې قبول او يادو هيوادونو ته واستول شول.
د اسټراليا حکومت له راوستل شوو کسانو څخه ډله ډله خوشې کوي او ورته لنډمهالې ويزې ورکوي.
دا کسان په اسټراليا کې د کار کولو حق لري او هم روغتيا کارډ يا ميډي کيار هم ترلاسه کوي.
آيا پناه غوښتونکو او کډوالو پر وړاندې د اسټراليا حکومت دريځ بدل شوی؟ دا مسله مو حقوقي چارو کار پوه او وکيل ښاغلي نظير داور سره مطرح کړې چې تاسې لا ډير معلومات مرکه کې اوريدلی شئ.
