اسټراليا ته راغلي افغان نظاميانو خپلې زده کړې بشپړې کړې او بيرته افغانستان ته ستنيدو انتظار کې دي.
د افغانستان او اسټراليا دوه اړخيزې اړيکې ۷۰ کلونو ته رسيږي او دا اړيکې له ۲۰۰۱ کال راهيسې لا نورې نږدې او پياوړې شوي.
اسټراليا له افغانستان سره نه يوازې اقتصادي مرسته کوي بلکې نظامي ډګر کې هم سلګونه اسټراليايي ځواکونه د افغان ځواکونو روزنه کې بوخت دي.
د دواړو هيوادو نظامي همکاری له مخه يو شمير افغان نظامي کسان اسټراليا ته روزنې لپاره راوستل کيږي کوم چې د اسټراليا ډيرو معتبرو نظامي پوهنتونو او کالجونو کې زده کړې کوي.
څه موده وړاندې دوه افغان نظامي کسان اسټراليا کې له نظامي زده کړو وروسته فارغ شول او اوس په تمه دي ترڅو بيرته افغانستان ته ستانه شي او له نظامي ځواکونو سره يوځای شي.
له اس بي اس پښتو خپرونې سره خبرو پر مهال نوی فارغ شوی افغان افسر باز محمد وطندوست وايي، اسټراليا کې له نظامي زده کړو سره زما توان او غرور لا نور پياوړی شوی او له يو عادي عسکر څخه نيولی تر قومندان رتبې پورې مې زده کړې وکړې.
د ښاغلي وطندوست په وينا، شيبې شماري ترڅو بيرته افغانستان ته ستون شي او خپل هيواد ته خدمت وکړي.
له ښاغلي باز محمد وطن دوست سره بشپړه مرکه دلته اوريدلی شئ.
