هر کال په زرګونه ځوانان له قاچاقي لارو څخه اوروپا او نورو هيوادونو ته سفر کوي ترڅو هلته پناه واخلي، په يادو ځوانانو کې ډير شمير د قبايلو دی.
پاکستان کې اقتصادي بحران او قبايلو سيمو کې نا امني ډير ځوانان اړ باسي ترڅو خپل کور پريږدي او نورو هيوادونو ته مخه کړي.
نړۍ کې دا مهال نږدې ۹۰ ميليونه پناه غوښتونکي او کډوال اوسيږي چې ډيره برخه يې اوروپا او مينځني ختيځو هيوادونو کې ميشت دي.
د قبايلو واجد ګل چې ۲۳ کاله عمر لري له سختو لارو او اوږد سفر وروسته اوس بوسنيا ته رسيدلی.
نوموړی وايي، د خپل کلي له نورو ۸ کسانو سره يې اوروپا لور ته سفر پيل کړ او د قاچاق وړونکو په نا سمو او غلطو معلوماتو تير ايستل شوی.
واجد ګل وايي، قبايلو کې نا امني او نور اقتصادي ستونزو اړ کړ ترڅو خپل کور پريږدي، ولې له تمې لرې قاچاقي سفر له کړاونو ډک وه او لا تر اوسه يې راتلونکی روښانه ندی.
اسلام ګل افريدي د ځوانانو کډوالۍ مسلې ته کتنه کړې، تاسې بشپړ رپوټ دلته واورئ.
شریکول
