د اسټراليا پوځ له افغانستان څخه وتلو تياری پداسې حال کې نيسي چې د اسټراليا د پوځ پخوانيو ژباړونکو چې خپلو ويزو ته يې انتظار ويستلو وخت کې خپل ژوند له لاسه ورکړی اوس يې کورنۍ د پناه غوښتنه کوي.
احمد جاويد د اسټراليايي پوځيانو ژباړونکي په توګه دندې ترسره کولو وروسته په کال ۲۰۱۷ کې د طالبانو لخوا ووژل شو.
د جاويد پلار محمد افضل وايي، د زوی وژل کيدو وروسته يې کورنۍ ته ستر ګواښ مخې ته شوی او له اسټراليايي حکومت څخه د مرستې غوښتنه کوي.
احمد جاويد ۱۸ کلن وه چې له اسټراليايي پوځيانو سره يې دنده پيل او څلورو کلونو لپاره يې دنده ترسره کړه.
د وژل شوي ژباړونکي احمد جاويد پلار افضل اس بي اس پښتو او دري ژبو ګډ پلټنې رپوټ ته وينا کې وويل، زوی يې دا خوب درلود ترڅو اسټراليا ته سفر وکړي او هلته ميشت شي ولې ۵ کاله يې اسټراليايي ويزې ته انتظار وويست او انتظار کې نوموړی ووژل شو.
Ahmad Jawid Afzali was 18 when he began working alongside Australian forces. Source: Supplied
يو بل ژباړونکی سميع الله صديقي ۳۴ کاله عمر درلود او په کال ۲۰۱۹ کې طالبانو لخوا په ننګرهار ولايت کې ووژل شو.
د سميع الله ورور له اس بي اس سره خبرو پر مهال وويل، حتی د سميع الله وژل کيدو وروسته هم کورنۍ پر وړاندې يې خطر ډير دی.
ښاغلي عبدالله خپلو خبرو کې وويل، سميع الله سهار مهال خپل کور مخې ته ووژل شو او پيښه کې نوموړی هم ټپي شوی وه.
تاسو ته مو د وژل شوو ژباړونکو کورنيو غړو خبرې راخيستي چې دلته يې اوريدلی شئ.
