د پاکستان قبايلو سيمو اوسيدونکي وايي، د قبايلو سيمو له خيبر پښتونخوا سره يوځای کولو پر مهال چې کومې ژمنې شوې وې حکومت يې ورکړه کې پاتې راغلی.
د پاکستان حکومت خپل اساسي قانون کې ۲۵ بدلون راوستلو وروسته په کال ۲۰۱۸ کې د قبايلو سيمو له خيبر پښتونخوا سره يوځای کولو پريکړه وکړه.
د پاکستان په تاريخ کې لومړي ځل لپاره د قبايلو ازاده سيمه د پاکستان حکومت قانون او هم امنيتي ادارو تر کنټرول لاندې راغله.
سره لدې چې د قبايلو سيمو ځيني اوسيدونکي د قبايلو له پښتونخوا سره يوځای کيدو هرکلی کوي ولې بله خوا ډير شمير قبايلو سيمو اوسيدونکي د حکومت لدې ګام سره مخالفت ښايي.
د قبايلو مشران وايي، د يوځای کيدو پر مهال چې حکومت له قبايلو سره کومې ژمنې کړي هغه دې پوره کړي.
قبايلو سيمو مشران وايي، د پارلمان او سنا مجلس څوکيو ورکړې کې حکومت له خپلو ژمنو په شا شوی او هم د قبايلو سيمو رغونې لپاره د بوديجې ځانګړي کولو کې هم حکومت پاتې راغلی.
د قبايلو مشران وايي، تر ټولو ډير تاوان د يادې سيمې دود، کلتور جرګو سيسټم له مينځه تلل دي.
اسلام ګل افريدي د قبايلو له خيبر پښتونخوا سره يوځای کيدو مسلې ته کتنه کړې او د دواړو مخالف او پلويانو غږونه يې راخيستي چې دا ټول په تير شوي رپوټ کې اوريدلی شئ.
