د معلوماتو له مخې ددغو سیلابونو له امله تر دمه زرګونه کسان مړه شوي، زرګونه څاروي، کورونه او عامه تاسیساتو ترڅنګ زرګونه جریبه کرنیزې ځمکې له منځه تللې دي.
په تازه مورد کې د مې میاشتې په ۱۰ مه د افغانستان په شمال بغلان، تخار بدخشان او لوېدیځ هرات او غور ولایتونو کې له سختو اورښتونو وروسته سیلابونه راغلل چې له امله يې خلکو ته درانه ځاني او مالي زیانونه واړول.
که څه هم ددغو سیلابونو له امله د اوښتو درانه ځاني او مالي زیانونو په اړه ضد او نقیض راپورنه ورکړل شوي خو د طالبانو حکومت د کډوالو چارو وزارت د معلوماتو له مخې یواځې په بغلان ولایت کې ددغو سیلابونو له امله تر اوسه پورې له ۳۰۰ زیات کسان مړه شوي او نږدې ۲ زره کسان ټپیان شوي دي.
دغه وزارت د یوې خبرپاڼې په خپرولو سره وویل،چې دغه راز په دې سیلابونو کې دوه زره ۶۶۵ کورونه ویجاړ او زرګونه څاروي هم له منځه تللي دي.
له دې سره جوخت د بغلان ولایت یو شمېر سیلاب ځپلي بیا وايي، چې سیلابونو خلکو ته درانه مالي او ځاني تلفات اړولي دي.
دوی د طالبانو له حکومت او مرستندویه ټولنو څخه غواړي چې له سیلاب ځپلو خلکو سره ژر تر ژره مرستې وکړي.
مهرباني وکړئ لا ډېر معلومات په رپوټ کې واورئ.
