د قبايلو پخواني امنيتي ځواکونه وايي، د پاکستان حکومت ورسره کړې ژمنې ندي پوره کړي او دوی بد حال کې دي.
د پاکستان حکومت د ۲۰۱۸ کال فبروری مياشت کې قبايلې سيمې له خيبر پښتونخوا سره يوځای کړې.
د حکومت لخوا ياد ګام اخيستلو وروسته د قبايلو اوسيدونکو سره بيلابيلې ژمنې وکړې ولې د قبايلو په وينا حکومت خپلو ژمنو کې پاتې راغلی او خپلې ژمنې يې ندي پوره کړي.
د قبايلو ستونزو کې يوه لويه يې د قبايلو پخواني امنيتي کسانو (خاصه دار) نا معلوم راتلونکی دی، او دوی له ۲۰۱۸ کال راهيسې دې ته په تمه دي ترڅو حکومت يې راتلونکی معلوم کړي.
دا مهال د قبايلو ۲۸،۰۰۰ پخواني امنيتي کسان بې کاره دي او حکومت څخه خپل د حق غوښتنه کوي.
زمونږ همکار اسلام ګل افريدي يادې موضوع ته کتنه کړې او يو رپوټ يې چمتو کړی چې تاسې يې دلته اوريدلی شئ.
شریکول
