په افغانستان کې د انټرنېټي کڅوړو د لوړو بیو او ټیټ کیفیت ستونزه هغه موضوع ده چې کاروونکي یې ترې په پرلاپسې توګه شکایت کوي.
یو شمېر عام خلک په دې باور دي چې د مخابراتي شرکتونو لخوا د انټرنېټې کڅوړو کیفیت ټیټ او بیې يې خورا لوړې دي، چې له امله يې وخت ناوخت د دوی ورځنۍ چارې له خنډه سره مخ کیږي.
که څه هم انټرانېټ د ورځنیو کارونو د پرمخ بېولو او اړیکو د ټینګولو لپاره یوه مهمه اړتیا بلل کیږي ، خو د کابل ښار یو شمېر اوسېدونکي شکایت کوي چې د لوړو بیو ورکولو سره سره بیا هم د چټک او باکیفیته اڼټرنېټ له اسانتیاوو بې برخې دي.
بل خوا د مخابراتو او معلوماتي ټکنالوژۍ وزارت وايي چې د مخابراتي خدمتونو د کیفیت د لوړولو او بېو را ټېټېدو لپاره يې ګامونه پورته کړي او هڅې يې لاهم راونې دي.
دیاد وزارت ویاند عنایت الله الکوزي اس بي اس پښتو ته ویلي چې د تېرو کلونو په پرتله اوس په افغانستان کې د انترنېټ کیفیت ښه شوی او بیې يې هم راټیټې شوې دي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
