د امريکا او ايران ترمينځ کړکيچ اغيزې د سيمې هيوادو سربيره پر افغانستان هم شيندل کيږي.
د سپاه پاسداران د پوځ لوړ پوړي قومندان قاسم سليماني وژل کيدل په سيمه کې مثبت او منفي اغيزې شيندلی شي.
سياسي چارو شنونکی، د پارلمان پخوانی وکيل او ديپلومات پوهنمل معين مرستيال له اس بي اس پښتو خپرونې سره خبرو دوران کې وويل، "ايرانيان هغه نفوس چې افغانستان کې لري کيداشي د نيابتي جنګ لپاره يې وکاروي".
رپوټونه وايي، قاسم سليماني زرګونه افغانان نظامي موخو لپاره کارولي او ځينو بهرنيو جګړو کې يې ترې کار اخيستی.
د قاسم سليماني ځای ناستي سليمان قاآني څه موده وړاندې د افغانستان باميانو ولايت ته سفر کړی.
ځيني شنونکي وايي، د ايراني پوځيانو افغانستان ته سفر کول د انديښنې وړ ده.
د ښاغلي مرستيال په وينا ايران به د امريکا پر وړاندې خپله خاوره ونه کاروي بلکې سيمه کې به نورې سيمې او نفوس څخه د امريکا پر وړاندې کار واخلي.
که ايران د خپل لوړ پوړي پوځي قومندان غچ وانخلي نو ايراني حکومت به خپلو خلکو ته خپل محبوبيت له لاسه ورکړي.
ښاغلی مرستيال وايي، که چيرې د امريکا او ايران ترمينځ جګړه پيل شي نو د جګړې ډګر کيدای شي افغانستان وي.
د امريکا او طالبانو د سولې خبرې هم ګومان کيږي د روان کړکيچ له امله اغيزمنې شي.
له پوهنمل ښاغلي معين مرستيال سره بشپړه مرکه دلته واورئ.
