افغانستان کې د تيرو څو اونيو راهيسې بدليدونکي حالت نه يوازې په افغانستان کې بلکې په نړۍ کې افغانان له رواني فشارونو سره مخ کړي او د ځينو رواني فشارونو ډيروالي له امله هغوی ته نورې ډيرې ستونزې هم پيدا شوي.
ارواح پوه او استاد ښاغلی شرف الدین عظیمي چې له نوم او څيرې سره يې اشنا ياست له اس بي اس پښتو خپرونې سره مرکه کې د افغانستان اوسنی حالت او پر وړاندې يې د خلکو رواني حالت ته کتنه کړې او ځيني مهم وړانديزونه لري چې له تاسو سره مرسته کولی شي.
د ښاغلي عظيمي په وينا، افغانستان کې وروستي بدلونونه خلک جام (له حرکت غورځولي) او نړيوال تعريف کې دې ته بحراني حالت وايي.
ښاغلی عظيمي وايي، "پدې حال کې خلک له رواني فشارونو سره مخ کيږي لکه وحش زده ګي، خپګان، خوب ګډوډي، د ډار احساس ، او داسې احساس کوم چې خلک سوچ کوي چې هر څه همدومره وو، هرڅه ختم شول او ژوند همدومره وې."
د ښاغلي عظيمي په وينا، ډير افغانان دا مهال داسې احساس کوي چې هر څه جام دي معنی داچې حرکت نه کوي.
رواني ستونزو ته که رسيدنه ونه شي دا نورې دماغي او فيزيکي ستونزې او ناروغۍ زيږوي.
Source: Tolo
د نړۍ هيوادونو کې که چيرې خلک له داسې حالت سره مخ کيږي نو هغوی ارواح پوه سره ګوري ترڅو ځيني ګټورې مشورې او کړنلارې چې طبي لار ښوونې دي ترلاسه کړي.
د ښاغلي عظيمي په وينا، دا مهال افغانان بايد له صبر او حوصلې څخه کار واخلي او واکمن ګوند او يا حکومت بايد د خلکو نا معلوم حالت روښانه کړي.
د ښاغلي بله سپارښتنه داده چې خواله رسنيو کې چې ډير ناسم معلومات هم خپريږي استعمال يې لږ شي او يا بشپړ ډول سره بند شي چې لدې سره هم رواني فشار کمولو کې ډيره مرسته کيږي.
رواني حالت ځيني نښې ليدو سر تاسې بايد طبي مشوره ترلاسه او يا ارواح پوه وګورئ.
دا او نور ډير معلومات په بشپړ مرکه کې اوريدلی شئ.
