افغانستان کې ۷۰ سلنه ځمکې غير رسمي دي

ټاکل شوې چې تر ۲۰۲۰ میلادي کاله پورې د افغانستان د غیر رسمي ملکیتونو لپاره ۵۰۰ زره رسمي سندونه ورکړل شي. د افغانستان د ښار جوړولو او ځمکو وزارت وايي،د غیر رسمي ښاري سيمو د ثبت پروګرام له لارې تراوسه ۶۰۰ زره غیر رسمي کورونه ثبت شوي دي. د افغانستان دولت د ښاري او کلیوالو ملکیتونو د ثبت بهیر په ۱۳۹۵ کال کې له کابل ښار نه پیل کړی چې دا پروګرام به په ټول هېواد کې پلی شي. د افغانستان د ارضیو د ادارې د شميرو له مخې، اوسمهال په افغانستان کې د ښارونو ۷۰ سلنه او د کلیوالو سیمو ۸۰ سلنه ځمکې غیر رسمي دي او په دولتي ادارو کې نه دي ثبتې شوې. تفصیل له ناجیې ساپۍ اورئ.

Kabul, Afghanistan Source: Fardin Waezi, UNAMA