په افغانستان کې دځنیو شمیرو له مخې، دا مهال ۶.۵ ميلیونه افغان ماشومان د خطر له ګواښ سره مخ دي.
د افغانستان د بشر حقونو خپلواک کمیسیون د ماشومانو وضیعت د اندېښنې وړ ګڼي او پر افغان حکومت غږ کوي چې د ماشومانو ژوند ته جدي پاملرنه وکړي.
دغه کمېسیون وايي له شته هڅو سره سره بیا هم له وخته مخکې ودونه، درانه او زیات کارونه، زدهکړو ته نه لاس رسی، روغتیايي ستونزې، په جګړو کې له ماشومانو استفاده، تاوتریخوالی، معلولیت، بېځایه کېدل او په سرحدونو کې له ماشومانو سره ناوړه چلند هغه موارد دي چې د افغان ماشومانو ژوند ګواښي.
خو د افغانستان د کار، ټولنیزو چارو، شهیدانو او معلولینو وزارت وايي، حکومت د افغان ماشومانو د ژوند د ښه والي لپاره یو لړ پروګرامونه پلي کړي چې د دوی په ژوند کې به یو مثبت بدلون رامنځته کړي.
پدې اړه تفصیل د ناجیې ساپۍ په ریپوټ کې اورئ.
شریکول
