د پاکستان قبايلي سيمي چې دواړه د ترهګرۍ او د ترهګرۍ سره مبارزې ضد جګړه کې ډير ځپل شوي اوس يې اوسيدونکي د ماينونو له خطر سره مخ دي او ورته مرګ ژوبله اوړي.
د پاکستان قبايلو سيمو اوسيدونکي د ماينونو له ستر خطر سره مخ دي، يادو سيمو کې ماشومان د ماينونو ډير قرباني کيږي.
د پښتون ژغورنې غورځنګ مشر منظور پښتين وايي، د ماينونو ډير قرباني ماشومان دي چې له سبق څخه محروم کيږي بله خوا ځوانان دي چې خپل کارونه له لاسه ورکوي او دوی ټول اوږدمهاله معلول کيږي.
د قبايلو سيمو اوسيدونکي برته خپل سيمو ته ستنيدو سره د ماينونو ښکار کيږي.
قبايلو کې خپل کور ته بيرته تلونکې کورنۍ د ماين ښار شوې او يوه وړه انجلۍ چې فاطمه نوميږي پښه يې پرې شوې.
د فاطمې پلار وايي، حکومت د لور درملنه په وخت نده کړه او يوې اجازه نامې ته انتظار ويستل ددې باعث شو چې د لور پښه يې قطع شي.
د نوموړي په وينا، اوس يې لور په کور کې ده او د يوې پلاستيکي پښې پيرلو وس هم نه لري.
منظور پښتين له اس بي اس سره خبرو دوران کې وويل، له حکومت څخه يې د ماينونو پاکول، د ماين قرباني کسانو درملنه او هم يې قرباني شوو کسانو ته اوږدمهاله کاري فرصت برابرولو غوښتنه کړې.
زمونږ همکار اسلام ګل افريدي، له قرباني شوې کورنۍ او هم د پښتون ژغورنې غورځنګ له مشر او غړو سره خبري کړي چې تاسې بشپړ رپوټ دلته اوريدلی شئ.
