د پيښور حيات آباد ميډيکل کمپليکس کې د کرونا ويروس ناروغانو درملنه په يوې نوې طريقې ترسره کوي.
د کرونا وبا چې ټوله نړۍ يې خپل لمن کې نيولې، ډيري هيوادونه کوښښ کوي ترڅو د درملنې نوې لارې وازمويي او شته حالت کابو کړي.
د پيښور ښار حيات آباد روغتون کې ډاکټرا د کويډ-۱۹ روغو شوو کسانو وينه اخلي او له هغې سره د نورو ناروغانو درملنه کوي.
د کرونا ناروغ که ښه شي نو معنی داده چې د هغه د بدن دفاعي سيستم دومره غښتلی شوی ترڅو د کويډ-۱۹ ويروس پر هغه کوم اغيز نه کوي او د هماغه کس بدن ياد ويروس دفع کوي.
حيات آباد ميډيکل کمپليکس ډاکټران د روغو شوو کسانو د وينې سپينه برخه اخلي او د نورو ناروغه کسانو درملنې پرې کوي ځکه که چيرې له کرونا ويروس څخه روغ شوي کس وينه بل بيمار ته ورکړل شي نو هغه بيمار د هماغه روغ شوي کس د بدن دفاعي سيستم غوره کوي او د کرونا ويروس يې له مينځه ځي.
زمونږ همکار د حيات آباد ميډيکل کمپليکس له ډاکټر سره خبرې کړي کوم چې د همدې درملنې برياليتوب په اړه لا ډير معلومات شريکوي، تاسې بشپړه مرکه دلته اوريدلی شئ.
