افغانستان ته د امریکا او پاکستاني پلاوو یو بل پسې راتګ، د طالبانو له بنده د امریکايي بندي خوشي کېدل، او له هغه وروسته د طالبانو د لوړو پوړو چارواکو په سر د لګېدلې جایزې لغوه هغه پوښتنې دي چې د افغانستان د راتلونکي سیاسي وضعیت په اړه يې نوې هېلې راټوکولې دي.
د طالبانو له بیا واکمنۍ وروسته څو ورځې وړاندې د لومړي ځل لپاره د امریکا متحده ایالاتو یو لوړ پوړی پلاوی چې د افغانستان لپاره د امریکا پخواني ځانګړي استازي زلمي خلیلزاد يې ملتیا کوله کابل ته راغلل او د یوه امریکايي وګړي په خوشي کولو سره چې له دوو کلونو راپدیخوا د طالبانو په بند کې وه ډګ لاس بېرته لاړل.
له دې پېښې دوه ورځې وروسته د افغانستان لپاره د پاکستان ځانګړي استازي هم له کابل څخه لېدنه وکړه او له طالب چارواکو سره يې پر بېلابېلو موضوعاتو خبرې اترې درلودې.
د طالبانو له لوري د بندي امریکايي له خوشي کېدو وروسته متحده ایالاتو په یوه تازه او بې سارې اقدام کې بیا د طالبانو په درېیو لوړ پوړو چارواکو چې د دې ډلې د کورنیو چارو وزیر سراج الدین حقاني هم پکې شامل دی اعلان شوې جایزې لغو کړلې.
د کابل او واشنګټن ترمنځ وروستیو بدلونونو اوس داسې پوښتنې راولاړې کړي چې ایا افغانستان کې نوې سیاسې لوبه پیلېدونکې ده؟
هغه څه چې د چارو شنونکي يې په اړه بېلابېل لید لوري لري. مهرباني وکړئ په دې اړه مهم معلومات په رپوټ کې واورئ.
مهرباني وکړئ په دې اړه لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
