د يوې افغانې ميرمنې له درد ډکه کيسه واورئ.
د اسټراليا ملبورن ښار کې د نصرت په نامه يوه ميرمن چې افغانستان کې له واده وروسته اسټراليا ته راوستل شوه اسټراليا کې ۷ مياشتې له ژوند تيريدو وروسته يې د ميرې اولادو ژوند تريخ کړ او له کوره يې وشړله.
نصرت د انګليسي ژبې ستونزې ترڅنګ اسټراليا کې خپلوان هم نه لري ترڅو ورسره مرسته وکړي.
د اغلې په وينا کله يې چې خاوند له واده وروسته اسټراليا کې ۷ مياشتو لپاره ژوندی وه نو ژوند يې ډير ښه روان وه او خوشحاله وه.
د خاوند له مړينې وروسته يې د ميرې اولادو کور وپلوره او نوموړې ته يې نه حق او نه هم پيسې ورکړې ترڅو بل ځای کې استوګنې کور کرايه کړي.
نصرت دا مهال په يو ګراج کې ژوند کوي چيرې چې نه پخلنځی شتون لري او نه هم اوبه او نور وسايل.
د ميرمن نصرت کيسه مو تاسو ته راخيستې، نور د نوموړې له خولې واورئ.
شریکول
