تورخم سره نږدې پر پاکستاني پوځي موټر بمي بريد وروسته امنيتي کسانو د يادې سيمې پر ځينو کورونو چاپې واچولې او شاوخوا ۲۰ تنه يې د شک په تور ونيول.
په يادو نيول شوو کسانو کې يو خاطر شينواری وه چې ۲۳ کاله يې عمر درلود.
خاطر شينواری سره د سيمې نورو ځوانان د پاکستاني امنيتي ادارو بندي شول ولې له څو ورځو وروسته د خاطر افريدي مړی د نوموړي کورنۍ ته وسپارل شو.
د ياد ځوان وژل کيدو پيښې پراخ لاريونونه راوپارول او د خيبر سيمې ځايي مشرانو د يادې پيښې بشپړې پلټنې غوښتونکي شول.
مظاهره چيانو د لنډي کوتل لويه لار د ترافيکو پر مخ تړلې او له امنيتي کسانو سره يې هم تر دې دمه خبرو کومې پايلې ندي ورکړي.
د پاکستان امنيتي ادارو د ياد ځوان وژل کيدو وجه د هغه له زندان څخه تيښته او له اوچت ځايه يې ځان غورځول ياد کړي ولې له خاطر افريدي سره د سيمې بل بندي شوي کس ادعا کړې چې ياد ځوان د امنيتي کسانو لخوا له وهلو وروسته ساه ورکړه.
زمونږ همکار اسلام ګل افريدي د ياد ځوان وژل کيدو خلاف لاريون ته ورغلی او د لاريون کوونکو ترڅنګ يې د چارواکو خبرې هم راخيستي چې دا ټول پدې تيار شوي رپوټ کې اوريدلی شئ.
