د بریجنګ ویزو درلودونکي کسان له مالي ستونزو سره مخ دي او د حکومت مرستو ته هم لاسرسی نلري.
د کرونا وېروس نه یواځې د اسټرالیا د اوسیدونکو ژوند له ستونزو سره مخ کړی بلکې په دغه هېواد کې د نږدې ۱۰۰ زره پناه غوښتونکو ژوند یې هم ګډوډ کړی . د سیټلمنټ سرویسس انټرنیشنل ادارې په سروې کې موندل شوي چې شاوخوا ۸۲ سلنه پناه غوښتونکو خپل کارونه له لاسه ورکړي او یا یې هم کاري ساعتونه کم شوي دي.
د اسټرالیا د کډوالو اداره د دغه هېواد له حکومت څخه غوښتنه کوي ترڅو پناه غوښتونکو، بهرنیو زده کړیالانو او هغو کسانو لپاره بېړنۍ مرستې برابرې کړي چې اوسمهال په اسټرالیا کې ژوند کوي .
د ۹۷ زره پناه غوښتونکو په دلې کې ۱۲ زره داسې پناه غوښتونکي هم شامل دي چې په ۲۰۱۲م کال کې د بېړیو له لارې آسټرالیا ته راغلي او تر دمه یې د وېزو اړه پرېکړه نده نیول شوې.
شریکول
