پاکستان کې ځيني مذهبي ډلې چې ځانونو ته مسلمانان هم وايي له پاکستان حکومت څخه غواړي ترڅو لږکيو کميسيون کې دې ورته برخه ورکړل شي.
د ۲۰۱۴ کال جون مياشت کې د پاکستان پارلمان د حکومت وړانديز سره سم د لږکيو يو کميسيون جوړيدو پريکړه وکړه.
پاکستان کې د غير مسلمانانو ټولنې وايي، د ياد کميسيون جوړيدو سره تر اوسه داسې عملي کارونه ندي ترسره شوي کوم چې د هغوی ستونزو ته رسيدنه وشي.
د پاکستان کابيني قايدانيان، احمديان او بهايي مذهبو ته د لږکيو کميسيون کې برخه نده ورکړې ولې بله خوا د يادو مذاهبو او يا ډلو مشران وايي، دوی هم لږکيو کې شميرل کيږي او بايد ورته ياد کميسيون کې ځای ورکړل شي.
پاکستان کې د بهايي مذهب پلويان وايي، د اساسي قانون له مخه ددوی مذهب منل شوې دی ولې نوي کميسيون کې دوی ته برخه نده ورکړل شوې.
د پاکستان حکومت کوښښ کوي ترڅو د لږکيو ستونزو ته رسيدنه وکړي، ولې بله خوا همدا ډله کسان بيا حکومت په بې غوری تورنوي.
پيښور کې زمونږ همکار اسلام ګل افريدي د لږکيو له استازو سره خبرې کړي چې تاسې دا ټول پدې رپوټ کې اوريدلی شئ.
