د افغانستان د کريکټ ملي لوبډلې لوبغاړی او نړيوال شهرت لرونکي محمد نبي عيسی خيل د اسټراليا ملبورن ښار کې خپل په نوم د کريکټ نړيواله اکاډمي پرانيستله.
اس بي اس پښتو خپرونې سره مرکې دوران کې ښاغلي نبي وويل چې د يادې اکاډمۍ پرانيستې مقصد د افغانستان او اسټراليا ترمينځ د تکړه لوبغاړو تبادله او افغاني لوبغاړو ته اسټراليا کې د روزنې زمينه برابرول دي.
د نبي کريکټ اکاډمۍ مشري اسټراليا کې ميشت رومان سادات پر مخ وړي او د ښاغلي سادات په وينا نبي کريکټ اکاډمي به په نړيوال او لوړ معيار سره اسټراليا او افغانستان کې د کريکټ مينه والو ته روزنه ورکړي.
Source: SBS Pashto
د نبي د کريکټ نړيوالې اکاډمۍ پرانيسې مراسو کې اسټراليا کې د افغانستان سفير ښاغلي وحيدالله ويسي هم ګډون کړی وه او خپلې وينا کې يې دا افغانانو او ټوله کې اسټراليايايي ټولنې لپاره يو ښه ګام وباله.
نړيوالو کريکټ شل اوريزو اتلوليو ته د افغانستان لار موندلو او د افغانستان دريو وتلو لوبغاړو اسټراليا کې لوبيدو په اړه ښاغلي نبي وويل چې دا افغانستان لپاره يو ښه خبر دی او داچې اسټراليا به د راتلونکې اتلولۍ کوربه وي نو افغان لوبغاړي له اسټراليا څخه ډيره تجربه له ځانسره وړلی شئ او هم بيرته د اسټراليا په کوربه توب به شل اوريزو نړيوالو سياليو کې افغان لوبغاړي ښه وځليږي.
پدې رپوټ کې به تاسې د افغانستان ملي کريکټ لوبغاړي محمد نبي عيسی خيل او هم د نبي کريکټ اکاډمۍ د مشر ښاغلي رومان سادات خبرې اورئ.
Source: Nabi ICA
Interview with Sayed Roman Sadat Source: SBS Pashto
