د افغانستان لپاره د روسیې ځانګړي استازي ضمیر کابلوف ویلي، په افغانستان کې ټول ګډونه حکومت او له نشه يې موادو سره مبارزه د مسکو فارمټ پنځمې ناستې د اجنډا مهم ټکي دي.
نوموړي له ټاس خبري اژنس سره په خبرو کې څو ورځې وړاندې ویلي و، چې په دغه ناسته کې به د سیمې هېوادونه په هغه مواردو هم بحث وکړي چې اوس يې اړتیا لېدل کیږي.
کابلوف وویل، په دې به هم خبرې وشي چې طالبان څنګه خپلو مکلفیتونو ته متوجه شي.
له دې سره هم مهاله د سياسي چارو کارپوهان هغه ناستې چې په هغو کې د افغانستان په ستونزو خبري کيږي او پرېنښودل شي چې دا هېواد څنډي ته شي ګټوري بولي.
د سياسي چارو کارپوه جاويد مومند له اس بي اس راډيو سره په خبرو کې وويل؛ مهمه داده چې طالبان هم په دې ناسته کې برخه لري تر څو دوى هم د سيمې له هېوادونو سره خپلې اندېښنې شريکي کړي او يو بل ته قناعت ورکړي.
ښاغلي مومند زياته کړه؛ طالبان بايد په دې ناسته کې له داسې ديپلوماسۍ څخه کار واخلي چې د خپل ځان او هېواد په ګټه تمامه شي او هڅه وکړي چې افغانستان د امريکا او روسیې له رقابت څخه وژغوري.
مهرباني وکړئ، پدې اړه لا ډېر معلومات په رپوټ کې واورئ.
