د اسټرالیا د احصایې ادارې امار ښیی چې له ۲۰۰۶ کال راپدېخوا د مسلمانانو په نفوس کې د پام وړ زیاتوالی راغلی دی.
د اسټرالیا د احصایې ادارې امار ښيي، په ۲۰۱۶ کال کې شاوخوا ۶۰۴ زره مسلمانان د اسټرالیا په بيلا بيل ایالتونو او سیمو کې اوسیده چې د دغه هيواد ۲.۶ سلنه نفوس جوړوي.
سیډني د اسټرالیا تر ټولو لوی ښار دی، په دغه ښار کې د نورو ښارو په پرتله زیات مسلمانان ژوند کوي او د مسلمانانو نفوس په کې د نورو مذهبونو د وګړو په پرتله په چټکۍ سره په زیاتيدو دی.
د احصایې ادارې امار ښيي چې د اسټرالیا ۴۲ سلنه مسلمانان په سیډني، ۳۱ سلنه په ملبورن، ۷ سلنه په پرت او ۲۰ سلنه د استرالیا په نورو ښارونو کې استوګنه لري.
په اسټرالیا کې مو د مسلمانانو اوسني حالت ته کتنه کړې او په زړه پوري معلومات مو تاسو ته راغونډ کړي چې د مسلمانانو د نفوس، فعالیتونو او ستونزو په اړه به لا ډير معلومات د مجیب منیب په راپور کې واورئ.
شریکول
