امريکا کې ميشت ځيني کډوال غواړي بيرته نارو ټاپو ته راشي
Refugees in Nauru Source: SBS
په 2016 کال کې د استرالیا پخواني لومړي وزیر مالکم ټرنبل د امریکا له پخواني ولسمشر بارک اوباما سره د کډوالو د تبادلې یو تړون لاسلیک کړ ترڅو له استرالیا څخه بهر د منس او نارو ساتنځایونو کډوال په امریکا کې ځای پر ځای شي. د بیا میشتیدنې د پروګرام له مخې به د امریکا حکومت د منس او نارو ۱۲۵۰ کډوال د نوي ژوند لپاره امریکا ته بیايي خو په بدل کې به استرالیا د امریکا په خوښه یوشمیر کډوالو ته په استرالیا کې د میشتیدنې حق ورکوي. د تړون له لاسلیک څخه شاوخوا یو کال وروسته د کډوالو لومړنۍ ډله د ۲۰۱۷ کال د سپتمبر په میاشت کې له نارو څخه امریکا ته وليږدول شول او بيادویمه ډله کډوال د ۲۰۱۸ کال په جنورۍ میاشت کې په امریکا کې ځای پرځای شول. راپورونه ښايي چې تر اوسه پورې شاخوا 300 پناه غوښتونکي د نارو او منس له توقیف ځایونو څخه امریکا ته تللي خو د نارو ولسمشر وايي چې په امریکا کې ځای پرځای شوي کډوال خوښ ندي او غواړي بیرته نارو ته را ستانه شي. داچې ولې ځيني کډوال له امريکا څخه د نارو ټاپو غوره ګڼي پدې اړه بشپړ رپوټ لرو چې دلته يې اوريدلی شئ.
شریکول
