مهم ټکي
- د ملګرو ملتونو د بشري مرستو د همغږۍ دفتر یا اوچا تېره اوونۍ وویل، افغانستان د هغو هېوادونو په کتار کې څلورم ځای لري چې د اقلیمي بدلون له امله ګواښ سره مخ دی.
- د افغانستان لپاره د روسیې ځانګړي استازې ضمیر کابلوف تېره اوونۍ وویل، چې د مسکو فارمټ په راتلونکې ناسته کې به په افغانستان کې د طالبانو لنډ مهالي حکومت په پراخ بنسټ کولو خبرې وکړي.
- نړیوال بانک د افغانستان د اقتصادي څارنې په نوي راپور کې چې تېره اوونۍ خپور کړ وویل، په تېرو دوو مېاشتو کې په افغانستان کې کلنی انفلاسیون منفي و.
- د امریکا د کانګریس د استازو جرګې د بهرنیو اړیکو د کمېټې رییس مایکل مک کال تېره اوونۍ د افغانستان لپاره ددغه هېواد له استازو وغوښتل چې له طالبانو سره دې خبرې ودروي.
- د دولت په چارو کې د پاکستان د بهرنیو چارو وزارت وزیرې تېر اوونۍ ادعا وکړه چې د پاکستان په وروستیو ناامنیو کې د افغانانو لاس دی.
بشپړ خبرونه پلې تڼۍ کليکاږلو سره واورئ.
