له ډير مودې وروسته د تورخم دواړو لورو ته چارواکو ګډه ناسته وکړه او پوليو ختمولو او هم تجارت ته ودې پر سر يې ګټورې خبرې وکړې.
پداسې حال کې چې د نړۍ ډير هيوادونه له پوليو ناروغۍ څخه پاک شوې ولې پاکستان او افغانستان کې اوس هم ډير شمير ماشومان پر يادې ناروغۍ اخته کيږي.
د شميرو له مخه په دواړه پاکستان او افغانستان کې پښتانه ميشتو سيمو د پوليو ډيرې پيښې ثبت کيږي او ددې ستره وجه يادو سيمو کې نا امني او هم ماشومانو ته د پوليو ضد واکسين نه رسيدل دي.
د خيبر پښتونخوا او جلال آباد واليانو په يوه ګډه ناسته کې له يادې پديدې څخه پر وتلو هوکړه وکړه او دا يې هم وويل، چې د دواړو هيوادونو روغتيا او هم ناروغي سره شريکه ده.
دواړو هيوادو چارواکو د دوه اړخيز تجارت او هم افغان وګړو ته ويزو ورکړې پر موضوع هم خبرې وکړې او د پاکستان له لورې دواړو برخو اسانتياوو ژمنه وشوه.
زمونږ همکار اسلام ګل افريدي په يادې ګډې ناستې کې ګډون کړی او د چارواکو غږونه يې راخيستي چې دا ټول دلته اوريدلی شئ.
شریکول
