دا مهال پاکستان کې چارواکي غونډې کوي ترڅو هغو زرګونو پاکستانيانو ته د کرونا ويروس معاينې او هم نور اړين تدابير ونيسي کوم چې له افغانستان څخه پاکستان ته راځي.
د لارو تړلو له وجې زرګونه پاکستانيان افغانستان کې ايسار پاتي.
خيبر پښتونخوا کې چارواکي وايي، له حکومت او نورو موسسو يې د مرستې غوښتنه کړې چې تر اوسه کافي اندازه توکي او نورې اسانتياوې نه لري.
چارواکي وايي، مخکې لدې چې زرګونه پاکستانيان له افغانستان څخه راتګ پيل کړي دوی بايد اړين معاينې او ژغورنې توکي په واک کې ولري، ولې د چارواکو په وينا مرکزي حکومت ورسره اړينه مرسته نه کوي.
د خيبر پښتونخوا چارواکي وايي، د زرګونو پاکستانيانو راوښتلو وخت کې بيا دا مرستې ځای نه نيسي او پکار ده چې دا اړين توکي له وخت څخه مخکې ددوی لاس کې ورکړل شي.
زمونږ همکار اسلام ګل افريدي له چارواکو سره خبرې کړي چې تاسې د هغوی وړاندوينې ، غوښتنې او ستونزې پدې رپوټ کې اوريدلی شئ.
