د پاکستان حکومت تر څارنې لاندې د چرسو پوټو کرلو څخه ۱ميليارد ډالر ګټه ترلاسه کيدای شي

د پاکستان قبايلو سيمو اوسيدونکي له لومړي وزير عمران خان څخه غواړي ترڅو په قبايلو کې د چرسو پوټو کرلو او پروسيس کولو حکومتي منظوري ورکړي.

دا غوښتنه له هغه وروسته مطرح کيږي چې د پاکستان حکومت څار لاندې د پاکستان مري، هرې پور او سند ايالت کې د حکومت څآر لاندې د چرسو پوټو کرلو پروژه منظور کړه.

د قبايلو اوسيدونکي وايي، تيرا سيمه کې د چرسو کرنه ښه کيږي او ددې پر ځای چې د چرسو پوتې يوازې نشه يي توکو کارولو لپاره وکارول شي د حکومت په مرسته دا پوټې درملو او نورو ګټورو لارو چارو لپاره کارول کيدای شي.

د ځين پوهانو په وينا که چيرې د چرسو پوټې درملو لپاره پروسس شي نو کروندګرو لپاره يې ګټه ډيره وي.

زمونږ همکار اسلام ګل افريدي پر يادې موضوع يو رپوټ چمتو کړی چې دلته يې اوريدلی شئ.