په آسټرالیا کې مېشت افغانان وايي، د افغان کرېکټ ملي لوبډلې په وړتیا پوره باور لري چې نړیوال جام به هم وګټي. په آسټرالیا کې د مېشتو یو شمېر افغانانو نظرونه دلته اورېدلی شئ.
تېره ورځ د افغانستان ملي لوبډلې بنګله دېش ته په ۸ منډو ماته ورکړه او د لومړي ځل لپاره یې نیمه پایلوبې ته لاره پیدا کړه.
د ۲۰۲۴ کال د کرېکټ شل اوریز نړیوال جام په نیمه پایلوبې سبا افغانستان له سویلي افریقا (جنوبي افریقا) سره مخ شي.
په آسټرالیا کې مېشت افغانان هیله لري چې افغان ملي لوبډله به د دغې لوبې په ګټلو سره د نړیوال جام پایلوبې ته لاره پیدا کړي.
په آسټرالیا کې مېشتو یو شمېر افغانانو له اس بي اس پښتو سره خپل نظرونه شریک کړي.
شریکول
