د چابهار بندر ازادو اوبو ته د افغانستان د لار موندنې لپاره مهم ګڼل کیږي.
د طالبانو د صنعت او سوداګرۍ وزارت له هند، اندونیزیا، مالیزیا او یو شمېر نورو عربي هېوادونو سره د سوداګرۍ لپاره د چابهار بندر مهمه او حیاتي بولي.
د یاد وزارت ویاند عبدالسلام جواد اس بي اس پښتو ته وویل، له ایران سره د افغانستان سوداګریزه راکړه ورکړه اوسمهال ۳.۳ میلیارد ډالرو ته رسیدلې او دوی هڅه کوي چې دا کچه لا زیاته شي.
بلخوا د افغانستان د سوداګرۍ او پانګونې خونه که څه هم چابهار د نورو لارو پوره بدیل نه بولي، خو وايي د نړیوالې سوداګرۍ لپاره يې مهم فرصتونه رامنځته کړي دي.
د سوداګرۍ او پانګونې خونې مرستیال خان جان الکوزي اس بي اس پښتو سره په خبرو کې وویل، پر ایران ځینې نړیوال محدویتونه له دې لارې افغان سوداګرو ته ستونزې جوړوي، چې له همدې کبله باید اسانتیاوو لپار لازمې هڅې وشي.
لا ډېر معلومات په رپوټ کې اورېدلی شئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
