د پاکستان امنيتي ادارو لخوا د پښتون ژغورنې غورځنګ مشر منظور پښتين نيولو خلاف پاکستان سربيره د نړۍ يو شمير هيوادونو کې پښتنو او د پښتنو حقونو مدافعينو مظاهرې وکړې.
مظور پښتين د جنوری مياشت په ۲۷ نيټه د پاکستان پيښور ښار څخه پوليسو ونيوه او تر دې دمه د امنيتي ادارو په بند کې دی.
منظور پښتين چې د پاکستان ځواکمن پوځ يې ناقانونه کړنو او ظلمونو لپاره ننګولې، د پښتون ژغورنې غورځنګ تحريک رامينځته کولو لومړۍ ورځې راهيسې له حکومتي ادارو سره ټکر کې دی او د ګوند غړي له ګڼو ستونزو او ننګونو سره مخ شوي.
د پاکستان پوځ بيا وايي، منظور او د هغه تحريک د پاکستان خلاف د سيمې هيوادو جاسوسې ادارو په ملاتړ کار کوي چې دا تور منظور او تحريک يې په کلکه ردوي.
د منظور پښتين نيول کيدو خلاف د نړۍ يو شمير لويو ښارونو کې مظاهرې ترسره شوې. د اسټراليا ملبورن، سيدني او اډيليډ ښارونو کې هم مظاهرې وشوې.
د اسټراليا سيدني ښار کې د پښتون ژغورنې غورځنګ مشر او تحريک په ملاتړ ترسره شوې مظاهرې کې مو له ځينو ګډونوالو سره خبرې کړي چې تاسې د مظاهره کوونکو خبرې دلته اوريدلی شئ.
