هر کال په لسهاوو زره کسان د نړۍ له بېلابېلو هېوادونو څخه اسټرالیا ته راځي ترڅو خپل پاتې ژوند په په دغه هېواد کې تېر کړي. د اسټرالیا د کورنیو چارو وزارت لخوا خپرې شوې شمېرې ښيي چې په تېر مالي کال کې ۱۶۰ زره او ۳۲۳ کسانو د اسټرالیا دایمي وېزې ترلاسه کړي.
په تېر مالي کال کې ترټولو زیاتې دایمي ویزې د هند اوسیدونکو ته ورکړل شوي چې شمېر یې ۳۳ زره او ۶۰۰ ویزو ته رسیږي. دا څلورم ځل چې په پرله پسې توګه د هند اوسیدونکي د اسټرالیا ډېرې ویزې ترلاسه کوي.
دا چې په تېر مالي کال کې د کومو نورو هېوادونو اوسیدونکو د اسټرالیا ویزې ترلاسه کړي او د اسټرالیا حکومت د نفوس د مدیریت لپاره څه پروګرام لري. پدې اړه لاډېر معلومات په راپور کې اوریدلی شئ.
